قازاقستان پرەزيدەنتى قاسىم-جومارت توقايەۆ جۇڭگو ۇكىمەتىنە 1،5 مىڭ اقبوكەن (كيىك) بەرۋ تۋرالى شەشىم قابىلداعانىن مالىمدەدى. بۇل باستاما قىتايدىڭ باتىس وڭىرىندە اقبوكەندەردى جەرسىندىرۋ جانە ولاردىڭ پوپۋلياسياسىن قالپىنا كەلتىرۋگە باعىتتالعان.
اقوردا تاراتقان اقپاراتقا سايكەس، جۇڭگو حالىق رەسپۋبليكاسىنىڭ ءتوراعاسى سي سزينپين قازاقستان تاراپىنا ريزاشىلىعىن ءبىلدىرىپ، قىتايدا اقبوكەندەر سانىن ارتتىرۋ ءۇشىن جۇيەلى شارالار قولعا الىناتىنىن اتاپ ءوتتى.
بۇعان دەيىن قاسىم-جومارت توقايەۆ استانا اۋەجايىندا قحر ءتوراعاسىن رەسمي تۇردە قارسى العان بولاتىن. قۇرمەت كورسەتۋ راسىمىندە بالالار قوناقتى قازاق جانە جۇڭگو تىلدەرىندە قارسى الدى.
كەلىسسوزدەر بارىسىندا پرەزيدەنت توقايەۆ جۇڭگو حالقى قازاق حالقىنا ەش زيان كەلتىرمەگەنىن اتاپ ءوتتى. ءوز كەزەگىندە سي سزينپين كورسەتىلگەن سىي-قۇرمەتكە العىسىن ءبىلدىردى.
ەكى ەل باسشىلارىنىڭ كەلىسسوزى ناتيجەسىندە 24 ۇكىمەتارالىق جانە ۆەدومستۆوارالىق قۇجاتقا قول قويىلدى. اتاپ ايتقاندا، قازاقستان مەن جۇڭگو تابيعي اپاتتار، سونىڭ ىشىندە جەر سىلكىنىسىنە قارسى بىرلەسىپ ارەكەت ەتۋگە ۋاعدالاستى.
