مەملەكەت باسشىسى «قازاقستان رەسپۋبليكاسىنىڭ باسەكەلەستىكتى قورعاۋ جانە دامىتۋ اگەنتتىگىنىڭ كەيبىر ماسەلەلەرى تۋرالى» قازاقستان رەسپۋبليكاسى پرەزيدەنتىنىڭ 2020 جىلعى 5 قازانداعى № 428 جارلىعىنا تولىقتىرۋلار ەنگىزۋ تۋرالى جارلىققا قول قويدى. 

ق ر باسەكەلەستىكتى قورعاۋ جانە دامىتۋ اگەنتتىگىنىڭ جاڭا وكىلەتتىلىگى جارلىق بويىنشا كەلەسى تارماقتاردى قامتيدى:

15-تارماق مىناداي مازمۇنداعى 44-4)، 84-4)، 84-5)، 84-6)، 84-7) جانە 84-8) تارماقشالارمەن تولىقتىرىلسىن:

«44-4) ۇسىنىلاتىن (ۇزارتىلاتىن) سالىقتىق جەڭىلدىكتى كەلىسۋ؛»؛

«84-4) مەملەكەتتىك ساياساتتى قالىپتاستىرۋعا قاتىسۋ جانە كولەڭكەلى ەكونوميكاعا قارسى ءىس-قيمىل بويىنشا شارالار قابىلداۋ؛

84-5) قازاقستان رەسپۋبليكاسىنىڭ زاڭناماسىنا سايكەس جۇمىلدىرۋ دايىندىعى جانە جۇمىلدىرۋ سالاسىندا ءىس-شارالاردى ۇيىمداستىرۋ جانە وتكىزۋ؛

84-6) اقپاراتتىق-كوممۋنيكاسيالىق تەحنولوگيالار جانە اقپاراتتىق قاۋىپسىزدىكتى قامتاماسىز ەتۋ سالاسىنداعى ءبىرىڭعاي تالاپتاردىڭ، دەرەكتەردى باسقارۋ جونىندەگى تالاپتاردىڭ ساقتالۋىن قامتاماسىز ەتۋ؛

84-7) ازىرلەنگەن مەملەكەتتىك قۇپيالاردىڭ قازاقستان رەسپۋبليكاسىنىڭ زاڭناماسىنا سايكەس، ونىڭ ىشىندە وزىنە ۆەدوموستۆولىق باعىنىستى ۇيىمداردا دا قورعالۋىن قامتاماسىز ەتۋ؛

84-8) رەتتەلەتىن سالادا مەملەكەتتىك قىزمەتتەر كورسەتۋ ءتارتىبىن ايقىندايتىن زاڭعا تاۋەلدى نورماتيۆتىك قۇقىقتىق اكتىلەردى ازىرلەۋ جانە بەكىتۋ؛».

جارلىق 1-تارماقتىڭ 2026 جىلعى 1 قاڭتاردان باستاپ قولدانىسقا ەنگىزىلەتىن ءتورتىنشى جانە بەسىنشى ابزاستارىن قوسپاعاندا، وسى جارلىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.