ۋكراينا پرەزيدەنتى ۆلاديمير زەلەنسكيي كييەۆتە باسپا ءسوز كونفەرەنسياسىن وتكىزىپ، جوعارى دەڭگەيدە كەزدەسۋ وتكىزۋ تۋرالى رەسەيلىكتەرمەن بايلانىسى جوق ەكەنىن، بارلىق پروسەسس سەرىكتەستەر ارقىلى ءجۇرىپ جاتقانىن مالىمدەدى. ونىڭ ايتۋىنشا، ۆاشينگتونداعى كەزدەسۋدە ۋكراينا سوعىستى ديپلوماتيالىق جولمەن توقتاتۋعا دايىن ەكەنىن ناقتى جاريالاعان.
«بىزدە ورىستارمەن ەشقانداي كەلىسىم جوق. ءبىز پرەزيدەنت ترامپپەن كەلىستىك. ول – مەنىڭ ويىمشا، بۇگىنگى كۇنى ءپۋتيندى توقتاتا الاتىن بىردەن-بىر ادام. ترامپپەن كەزدەسكەندە ديپلوماتيالىق شەشىمدى دۇرىس دەپ تاڭدادىق. باسىندا ءۇشجاقتى كەزدەسۋگە توقتاعانبىز. ءبىراق ول ارتىنشا رەسەيلىك تاراپپەن سويلەسىپ، الدىمەن ەكىجاقتى كەزدەسۋ وتكىزۋدى ۇسىندى. ۋاقىتى مەن ورىنىن سويلەسۋ كەرەك ەكەنىن ايتتى»، - دەيدى زەلەنسكيي.
زەلەنسكيي ءوزىن كەيبىرەۋلەردىڭ «سوعىستى توقتاتۋعا قارسى ادام» دەپ كورسەتپەسى ءۇشىن اتالعان شارتقا كەلىسكەنىن ايتادى.
«مەن دايىن ەكەنىمىزدى ايتتىم. ءۇشجاقتى كەزدەسۋ بولعانى دۇرىس ەدى. ءبىراق ترامپ وسى فورماتتى دۇرىس دەگەن سوڭ ونى دا قولداپ وتىرمىز. ودان كەيىن ءۇشجاقتى كەزدەسۋ بولادى»، - دەدى زەلەنسكيي.
