قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ قىرعىز رەسپۋبليكاسىنا رەسمي ساپارى بارىسىندا پرەزيدەنت سادىر جاپاروۆپەن بىرگە ەل استاناسى بىشكەك قالاسىندا ورنالاسقان № 33 كەمەل توقايەۆ اتىنداعى مەكتەپ-گيمنازيانى ارالاپ كوردى.
اقوردانىڭ Telegram-ارناسىندا بۇل تۋرالى مىناداي اقپارات بەرىلگەن:
«بۇل عيماراتتا ۇلى وتان سوعىسى جىلدارى فرۋنزە جاياۋ اسكەر ۋچيليششەسى ورنالاسقان. قازاقستان پرەزيدەنتىنىڭ اكەسى – سوعىس ارداگەرى، جازۋشى كەمەل توقايەۆ ءدال وسى جەردەن مايدانعا اتتانعان.
ءبىلىم وشاعىنا ك.توقايەۆ ەسىمىن بەرۋ تۋرالى باستامانى پرەزيدەنت سادىر جاپاروۆ بيىل مامىر ايىندا كوتەرگەن بولاتىن.
مەملەكەت باسشىسى ءبىلىم ورداسىنىڭ ۇستازدارىمەن جانە وقۋشىلارىمەن اڭگىمەلەستى».
