17 مامىر كۇنى ءا. تۇياقوۆ اتىنداعى ورتالىق ستاديوندا جاڭاوزەن قالاسىندا العاش رەت ۇلى جەڭىستىڭ 80 جىلدىعىنا ارنالعان دزيۋدو، گرەك-ريم جانە ەركىن كۇرەس بويىنشا رەسپۋبليكالىق سپورت فەستيۆالى ءوتتى.

اۋقىمدى سپورتتىق ءىس-شاراعا ەلىمىزدىڭ 12 وبلىسىنان 600-دەن استام سپورتشى قاتىسىپ، ءۇش سپورت تۇرىنەن – دزيۋدو، گرەك-ريم جانە ەركىن كۇرەستەن ءوزارا ب ا ق سىنادى.

اشىلۋ سالتاناتىنا ماڭعىستاۋ وبلىستىق ءماسليحاتىنىڭ ءتوراعاسى جاڭبىرباي ماتايەۆ ارنايى قاتىسىپ، تاريحي مەرەيتويدىڭ ءمان-ماڭىزىنا توقتالىپ، سپورتشىلارعا ساتتىلىك تىلەدى. سونىمەن قاتار، ول مۇنداي دەڭگەيدەگى سپورتتىق فەستيۆالدىڭ العاش رەت جاڭاوزەن قالاسىندا ءوتىپ وتىرعانىن ەرەكشە اتاپ ءوتتى.

قالا اكىمى جانسەيىت قايناربايەۆ رەسپۋبليكالىق دەڭگەيدەگى سپورتتىق ءىس-شارانىڭ جاڭاوزەندە ءوتۋى – قالانىڭ الەۋمەتتىك-سپورتتىق الەۋەتىنىڭ ارتقانىن جانە سپورتقا دەگەن قولداۋدىڭ كۇشەيگەنىن كورسەتە تۇسەتىنىن ايتتى.

فەستيۆال قورىتىندىسى بويىنشا ۇزدىك كوماندالار مەن سپورتشىلار انىقتالىپ، جۇلدەلى ورىندارعا يە بولعاندارعا مەدالدار مەن كۋبوكتار تابىستالدى. 

سونىمەن قاتار، ۇلى وتان سوعىسى ارداگەرلەرىنە قۇرمەت كورسەتىلدى.

جاڭاوزەن قالاسىنىڭ اكىمدىگى فەستيۆالگە قاتىسقان بارلىق سپورتشىلار مەن باپكەرلەرگە العىس بىلدىرە وتىرىپ، بولاشاقتا دا وسىنداي اۋقىمدى سپورتتىق ءىس-شارالاردى ءداستۇرلى تۇردە وتكىزۋ جوسپارلانىپ وتىرعانىن حابارلايدى.