پرەزيدەنتىنىڭ كومەكشىسى – پرەزيدەنتتىڭ باسپا ءسوز حاتشىسى رۋسلان جەلدىباي اقورداداعى كادرلىق اۋىس-تۇيىستەردى ءتۇسىندىردى.
جەلدىبايدىڭ سوزىنشە، بۇل – ادەتتەگى كادرلىق روتاسيا. نەگىزگى ماقسات – مەملەكەتتىك جۇيەدەگى ەڭ ماڭىزدى باعىتتاردىڭ تيىمدىلىگىن كۇشەيتۋ.
- مەملەكەت باسشىسى جۋىرداعى جولداۋىندا ۇلتتىق ەكونوميكاعا تۇسەتىن ينۆەستيسيا كولەمىن ارتتىرۋدى باسىم مىندەتتىڭ ءبىرى رەتىندە بەلگىلەدى. بۇل ماڭىزدى سالا تاجىريبەلى ديپلومات مۇرات نۇرتىلەۋگە جۇكتەلدى. پرەزيدەنتتىڭ كومەكشىسى رەتىندە ول حالىقارالىق ينۆەستيسيالىق جانە ساۋدا ىنتىماقتاستىعىن ىلگەرىلەتۋ ماقساتىندا شەت مەملەكەتتەردىڭ جوعارى دەڭگەيدەگى وكىلدەرىمەن، سونداي-اق الەمدىك ءىرى كومپانيالاردىڭ جەتەكشىلەرىمەن بايلانىستى دامىتادى، دەيدى رۋسلان جەلدىباي.
