اقش پرەزيدەنتى دونالد ترامپ الەۋمەتتىك جەلىدە گازا سەكتورىنداعى سوعىستى توقتاتىپ، تۇتقىنداردى بوساتۋ تۋرالى وتكەن دەمالىس كۇندەرى حاماس جانە ءبىرقاتار الەم ەلدەرىمەن ءپوزيتيۆتى كەلىسسوزدەر وتكەنىن حابارلادى.
ترامپتىڭ ايتۋىنشا، كەلىسسوزدىڭ تەحنيكالىق توبى بۇگىن مىسىردا تاعى دا جينالىپ، سوڭعى دەتالداردى ناقتىلايدى. سونداي-اق، كەلىسسوزدەردىڭ العاشقى ساتىسى وسى اپتادا اياقتالاتىنىن ايتقان اقش پرەزيدەنتى بارلىق قاتىسۋشىلاردى جەدەل ارەكەت ەتۋگە شاقىردى.
«مەن عاسىرلار بويى سوزىلىپ كەلە جاتقان كونفليكتىنى باقىلاپ وتىرمىن. ۋاقىت اسا ماڭىزدى – ايتپەسە ەشكىم كورگىسى كەلمەيتىن قانتوگىس بولادى»، - دەپ جازدى ول.
