ق ر پارلامەنتى ءماجىلىسىنىڭ دەپۋتاتتارى بۇگىن قۇرىلىس كودەكسىنىڭ جوباسى مەن ارحيتەكتۋرا، قۇرىلىس سالالارى بويىنشا ءتيىستى وزگەرتۋلەردى ءبىرىنشى وقىلىمدا ماقۇلدادى.
جوبادا قۇرىلىس كومپانيالارىنىڭ قۇرىلىس وبەكتىسىنە كەپىلدىك مەرزىمى 2 جىلدان 5 جىلعا دەيىن ۇزارتىلعان. دەپۋتتاردىڭ پىكىرىنشە، بۇل شارا قۇرىلىس كومپانيالارىنىڭ قۇرىلىس ماتەريالدارىنىڭ ساپاسىنا، تاپسىرىس بەرۋشى مەن ورىنداۋشىنىڭ جاۋاپكەرشىلىگىنە، جالپى وبەكتىلەردىڭ ساپاسىنا وڭ اسەر ەتپەك.
سونداي-اق، ءماجىلىس دەپۋتاتتارى وبەكتىنىڭ كونسترۋكسياسىنا، قاسبەتىنە جانە شاتىرىنا 10 جىلدىق كەپىلدىك ۇسىنۋ تۋرالى ۇسىنىس ءبىلدىردى. بۇل ماسەلە جوبانىڭ ەكىنشى وقىلىمىنا دەيىن قاراستىرىلادى.
