ابزال نۇكەنوۆ الماتى قالاسى اكىمىنىڭ ورىنباسارى بولىپ تاعايىندالدى.

ول ىشكى ساياسات، مادەنيەت، سپورت، ءبىلىم، جاستار ساياساتى جانە ءدىن ىستەرى سالالارىنا جەتەكشىلىك ەتەدى.

الماتى قالاسىنىڭ اكىمى دارحان ساتىبالدىنىڭ وكىمىمەن جانە ق ر پرەزيدەنتى اكىمشىلىگىنىڭ كەلىسىمىمەن ابزال نۇكەنوۆ الماتى قالاسى اكىمىنىڭ ورىنباسارى قىزمەتىنە تاعايىندالدى. بۇل تۋرالى قالا اكىمدىگىنىڭ باسپا ءسوز قىزمەتى حابارلادى.

جاڭا ورىنباسار ىشكى ساياسات، مادەنيەت، سپورت، ءبىلىم، جاستار ساياساتى جانە ءدىن ىستەرى باعىتتارىنا جەتەكشىلىك ەتەدى.

ابزال نۇكەنوۆ 1978 جىلعى 21 شىلدەدە جەتىسۋ وبلىسىندا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن ءتامامداعان، ساياسي عىلىمدار كانديداتى.

ەڭبەك جولىن 2000 جىلى باستاعان. بۇعان دەيىن الماتى قالاسى ىشكى ساياسات دەپارتامەنتىندە، اۋەزوۆ اۋدانى اكىمىنىڭ اپپاراتىندا، سونداي-اق قاۋىپسىزدىك كەڭەسىنىڭ سيتۋاسيالىق ورتالىعىندا قىزمەت اتقارعان. كەيىن ءدىن ىستەرى جانە ازاماتتىق قوعام ۆيسە-مينيسترى، قاراعاندى وبلىسى اكىمىنىڭ ورىنباسارى، پرەزيدەنت اكىمشىلىگىندە باسشىلىق قىزمەتتەردە بولعان.

سوڭعى تاعايىنداۋعا دەيىن ابزال نۇكەنوۆ ق ر پرەزيدەنتى اكىمشىلىگىنىڭ ىشكى ساياسات ءبولىمىن باسقارعان.