سولتۇستىك كورەيا ليدەرى كيم چەن ىن ءوز اسكەرىنىڭ رەسەي جاعىندا ۋكرايناداعى سوعىسقا قاتىسۋىن ماداقتاپ، "جەڭىلمەيتىن ارميا" دەپ اتادى. ولاردىڭ «الەمگە كحدر ارمياسىنىڭ بەدەلىن كورسەتكەنىن» ايتتى. بۇل تۋرالى مەملەكەتتىك KCNA اگەنتتىگى حابارلادى.

ءۇش كۇندىك پارتيا پلەنۋمىن قورىتىندىلاي وتىرىپ، كيم شەنەۋنىكتەر اراسىنداعى «جاڭساق ويلاۋ»، «جاۋاپسىزدىق» جانە «جامان ادەتتەردى» سىنادى. ول ءتارتىپ بۇزۋشىلىقتاردى جويۋ كەرەكتىگىن ەسكەرتتى.

وڭتۇستىك كورەيا بارلاۋىنىڭ دەرەگىنشە، ۋكرايناداعى سوعىستا كەمىندە 600 سولتۇستىككورەيالىق اسكەر قازا تاپقان، مىڭداعانى جارالانعان.

كيم چەن ىن شەتەلگە جىبەرىلگەن سولداتتار «ەلدىڭ حالىقارالىق ابىرويىن ارتتىردى» دەپ باعالادى جانە قورعانىس كۇشتەرىن «جاھاندىق وزگەرىستەرگە» ساي جاڭعىرتۋ تۋرالى ايتتى.

الداعى جىلى وتەتىن پارتيا كونگرەسىندە پحەنياننىڭ اقش پەن وڭتۇستىك كورەياعا قاتىستى جاڭا ساياساتى جاريالانۋى مۇمكىن. بۇل كونگرەسس سولتۇستىكتىڭ سەۋلمەن قارىم-قاتىناسىن ودان ءارى قاتايتا ما، جوق پا – ماڭىزدى كورسەتكىش بولماق.

وڭتۇستىك كورەيا پرەزيدەنتى لي چجە ءمون قايشىلىقتى ازايتۋعا قادام جاساسا دا، كيم چەن ىن ديالوگقا قىزىعۋشىلىق تانىتپادى.