ۋكراينا پرەزيدەنتى ۆلاديمير زەلەنسكييدىڭ ايتۋىنشا، اقش كييەۆكە دونباستان اسكەرىن شىعارىپ، سول ايماقتا «ەركىن ەكونوميكالىق ايماق» نەمەسە «قارۋسىزدانعان ايماق» قۇرۋدى ۇسىنعان. بۇل ايماققا كىم باسشىلىق ەتەتىنى بەلگىسىز.
زەلەنسكيي بۇل جوسپارعا كەپىلدىكسىز كەلىسۋ مۇمكىن ەمەس ەكەنىن ايتتى. ونىڭ سوزىنشە، ۋكراينا كەتكەننەن كەيىن رەسەي اسكەرىنىڭ نەمەسە ورىس كۇشتەرىنىڭ بەيبىت تۇرعىن كەيپىندە ايماقتى باسىپ الۋ ءقاۋپى بار.
ۆاشينگتون مەن كييەۆ اراسىنداعى كەلىسسوزدەر ءالى جالعاسىپ جاتىر. نەگىزگى داۋلى ماسەلەلەر – دونباستىڭ مارتەبەسى جانە زاپوروجە اەس-ىنىڭ باقىلاۋى.
دونالد ترامپ ۋكرايناعا قىسىمدى كۇشەيتىپ، زەلەنسكييدى «جوسپاردى تولىق وقىماعان» دەپ سىنعا العان. سونىمەن قاتار، ەۋروپادا دا سوعىس ءتورتىنشى جىلدىڭ قىسىنا جاقىنداعاندىقتان، كەلىسىمگە كەلۋ كەرەك دەگەن پىكىرلەر كوبەيىپ كەلەدى. الايدا فرانسيا، گەرمانيا جانە ۇلىبريتانيا باسشىلارى «تەرريتوريالىق شەشىمدى تەك ۋكراين حالقى قابىلداي الادى» دەپ وتىر.
ەو دا ۋكراينانىڭ وداققا قوسىلۋ پروسەسىن جالعاستىرىپ جاتىر، ءبىراق ۆەنگريانىڭ قارسىلىعى ءالى كەدەرگى بولىپ تۇر.
