دونالد ترامپ تاعى دا تاڭعالدىردى.
ول Truth Social الەۋمەتتىك جەلىسىندەگى پاراقشاسىندا «ۆيكيپەدياداعى» ءومىربايانعا ۇقساس ەتىپ جاسالعان سكرينشوت جاريالاپ، وندا 2026 جىلدىڭ قاڭتارىنان باستاپ ءوزىن ۆەنەسۋەلانىڭ ۋاقىتشا پرەزيدەنتى رەتىندە كورسەتكەن. سونىمەن قاتار «ءومىربايانىندا» اقش پرەزيدەنتى مارتەبەسىن دە ساقتاپ قالعان.
بۇل جازبا اقش-تىڭ كاراكاستا ارنايى وپەراسيا جۇرگىزىپ، ۆەنەسۋەلا پرەزيدەنتى نيكولاس مادۋرو مەن ونىڭ جۇبايىن ۇستاعانى تۋرالى رەزونانستى جاڭالىقتار اياسىندا پايدا بولدى. مالىمەتكە سايكەس، مادۋرو نيۋ-يورككە جەتكىزىلىپ، برۋكليندەگى تەرگەۋ يزولياتورىنا قامالعان.
وقيعاعا پىكىر بىلدىرگەن ترامپ مونرو دوكتريناسىنا سىلتەمە جاساپ، اقش-تىڭ قاتاڭ ارەكەتتەرگە بارۋعا دايىن ەكەنىن مالىمدەدى. ونىڭ ايتۋىنشا، اقش تەك ۆەنەسۋەلادا عانا ەمەس، «امەريكانىڭ كەز كەلگەن جاۋىنا» قارسى شارا قولدانۋى مۇمكىن.
