وڭىرلىك كوممۋنيكاسيالار قىزمەتىنىڭ ۇيىمداستىرۋىمەن ناۋرىزباي اۋدانىندا ب ا ق وكىلدەرىنە ارنالعان باسپا ءسوز تۋرى ءوتتى. اۋدان اكىمى ءنازيرا توعىزبايەۆا جۋرناليستەرمەن بىرگە نىسانداردى ارالاپ، اۋدانداعى ىسكە اسىپ جاتقان نەگىزگى جوبالاردى، العا قويعان جوسپارى تۋرالى بايانداپ بەردى. 

باسپا ءسوز تۋرىندا ءبىرىنشى جول تۇسكەن نىسان قالقامان-2 شاعىن اۋدانىنداعى تۇرعىن ءۇي كەشەنى بولدى. مۇندا 2029 جىلعا دەيىنگى تۇرعىن ۇي-كوممۋنالدىق ينفراقۇرىلىمدى دامىتۋ تۇجىرىمداماسى اياسىندا حالىققا قىزمەت كورسەتۋ نىسانى بار كوپ پاتەرلى تۇرعىن ءۇي سالاتىن ۇلكەن جوبانى قولعا الىپتى.

2024 جىلدىڭ ءساۋىر ايىندا باستالعان جوبانىڭ باس مەردىگەرى – «قازقۇرىلىسپودرياد» ج ش س. نىساندى بيىلعى تامىز ايىندا تابىستاماق.  

اۋدان اكىمىنىڭ ايتۋىنشا، الەۋمەتتىك ماڭىزى زور بۇل جوبا الماتىلىقتاردى قولجەتىمدى ءارى جايلى تۇرعىن ۇيمەن قامتاماسىز ەتپەك. ءقازىر جەتى جەردە اۋدانى 34 مىڭ شارشى مەتردەن اساتىن 594 پاتەرلى تۇرعىن ءۇي بوي كوتەردى.

«مەملەكەت باسشىسى بىرنەشە رەت اتاپ وتكەندەي، ساپالى ءارى قولجەتىمدى ينفراقۇرىلىم مەن قولجەتىمدى تۇرعىن ءۇي سالۋ باسىم باعىت بولىپ وتىر. ناۋرىزباي اۋدانىندا سوڭعى بەس جىلدا الەۋمەتتىك وسال توپتارعا عانا 5600-دەن استام پاتەر بەرىلدى. سوڭعى ءۇش جىلدا ءبىر ميلليون شارشى مەتردەن استام تۇرعىن ءۇيدى تاپسىردىق. سونىڭ ىشىندە 710 مىڭ شارشى مەتردەن استامى – ەكونوم-كلاسس ساناتىنداعى تۇرعىن ءۇي»، – دەيدى اۋدان باسشىسى.

جاڭا تۇرعىن ءۇي كەشەنىندە 184 ءبىر بولمەلى، 248 ەكى بولمەلى جانە 162 ءۇش بولمەلى پاتەر قاراستىرىلعان. ىشكى قۇرىلىس پەن ارلەۋ جۇمىسى تولىق بىتكەن. ەندى اۋماقتى اباتتاندىرا باستادى. اتاپ ايتقاندا، جاياۋ جۇرگىنشىلەر جولى سالىنىپ، تۇرعىندارعا قولايلى بولۋى ءۇشىن اۋلانى كوگالداندىرىپ جاتىر.  

باسپا ءسوز تۋرى بارىسىندا جۋرناليستەر قۇرىلىس جۇمىسىنىڭ اياق الىسىمەن تانىسىپ، تۇرعىن ۇيلەردىڭ دايىندىق دەڭگەيىن كورىپ، مەردىگەر ۇيىم مەن اۋدان اكىمدىگى وكىلدەرىنە سۇراق قويدى.

«بۇل تۇرعىن ءۇي كەشەنىندەگى پاتەرلەر وتە قولايلى. جوبا توعىز قاباتتى جەتى تۇرعىن ۇيدەن تۇرادى. مۇندا بارلىق قاجەتتى جاعداي جاسالعان. ءار ۇيدە جولاۋشى مەن جۇك ءليفتىسى ورناتىلعان. پاتەرلەردى ارلەپ بارىپ تاپسىرادى. بۇل تۇرعىندارعا ارتىق كۇش جۇمساماي، بىردەن قونىستانۋعا مۇمكىندىك بەرەدى»، – دەدى «قازقۇرىلىسپودرياد» ج ش س وكىلى دياس قابدىعالييەۆ.

ءنازيرا توعىزبايەۆانىڭ ايتۋىنشا، تۇرعىن ءۇي ينفراقۇرىلىمىن دامىتۋ ناۋرىزباي اۋدانىندا باسىم باعىتتىڭ ءبىرى بولىپ قالا بەرمەك. بۇل اۋدان قالاداعى ەڭ جىلدام دامىپ كەلە جاتقان اۋداننىڭ ءبىرى سانالادى. وسىنداي جوبالاردى ىسكە اسىرۋ تۇرعىن ءۇي قورىن ۇلعايتىپ قانا قويماي، قاجەتتى الەۋمەتتىك جانە ينجەنەرلىك ينفراقۇرىلىمى بار قالالىق كەڭىستىكتى قالىپتاستىرۋعا مۇمكىندىك بەرەدى.

«ءقازىر اۋاندا 176 كوپپاتەرلى تۇرعىن ءۇي سالىنىپ جاتىر. جالپى تۇرعىن ءۇي كولەمى – 443 مىڭ شارشى مەتر. بارلىعى 6165 پاتەر بار وندا. ونىڭ ىشىندە بيىل ەكونوم-كلاسس ساناتىنداعى 64 تۇرعىن ءۇي پايدالانۋعا بەرىلەدى. بۇل – 208 مىڭ شارشى مەتر تۇرعىن ءۇي. سونىڭ ناتيجەسىندە بيىل 3625 وتباسى باسپانامەن قامتاماسىز ەتىلەدى»، – دەپ تولىقتىردى ءسوزىن اۋدان اكىمى.

قالقامان-2 شاعىن اۋدانىنداعى تۇرعىن ءۇي كەشەنىنىڭ قۇرىلىسى مەن اباتتاندىرۋ جۇمىسىنىڭ اياقتالۋى الماتى تۇرعىندارىن ساپالى ءارى قولجەتىمدى باسپانامەن قامتاماسىز ەتۋ باعىتىنداعى ماڭىزدى قادام بولماق.