Almaty kóshelerin qalyń jaýǵan qardan tazalaýǵa sottalǵandar da jumyldyryldy, - dep habarlaıdy «Qamshy» portaly Jetisý aýdandyq prokýratýrasynyń baspasóz qyzmetine silteme jasap.

Qoldanystaǵy zańnamalarǵa sáıkes, bas bostandyǵyn shekteý jazasy qoldanylǵan tulǵalar, eger turaqty jumys orny nemese oqýy bolmasa jergilikti atqarýshi organdar belgilegen jumystarǵa májbúrlep jumyldyrylady. Bul toqpa júkti áıelder, kámlettik jasqa tolmaǵandar,ǵ, 3 jasqa deıingi balasy bar áıelder men 3 jasqa deıingi balalardy jalǵyz tárbıelep otyrǵan er kisiler, 1,2-toptaǵy múgedekter men zeınet jasyndaǵy azamattar kirmeıdi.

Probasıa qyzmeti taratqan málimet boıynsha almatynyń Jetisý aýdanynda 10 bas bostandyǵy shektelgen azamat turady. Sol azamattar aýdan ákimdiginiń belgileýimen «Qulager» yqsham aýdanyndaǵy Serikov kóshesi boıyn qardan tazalady. Bul jumys 10 aqpan kúni túski saǵat úshten keshki alty aralyǵynda atqarylǵan.

Aýdan turǵyndary sottalǵandarǵa atqarǵan jumystary úshin alǵys bildirgeni aıtylady aýdandyq prokýratýra taratqan habarlamada.