Almatyda TJD-nyń qyzmetkerleri muz bógetiniń jınalýynan Qarǵaly ózeniniń deńgeıi kóterilmeýin qadaǵalap táýlik boıy kezekshilik etýde, - dep habarlaıdy «Qamshy» portaly QazAqparatqa silteme jasap.

10 aqpanda Alataý aýdanyndaǵy «Teploenergetık» JES-2 saıajaı qoǵamynyń turǵyny Qarǵaly ózeniniń deńgeıi kóterilýi yqtımal», - dep telefon soqqan.

«Oqıǵa ornyna jetken TJD qyzmetkerleri muz bógetiniń qalyńdap, aǵyp jatqan sýdyń deńgeıi kóterilgenin anyqtady. Alataý aýdanynyń ákimdigi men TJD qyzmetkerleri,  qutqarýshylar 400 metr aýmaqty ekskavatorlarmen tazalap shyqty. Aýmaqtan 216 kýb metr qar men muz shyǵaryldy», - delingen TJD taratqan habarlamada.

Qazirgi tańda Qarǵaly ózeniniń osy aımaqtaǵy deńgeıi tómendedi. Jaqyn mańdaǵy úılerdi sý basý qaýpi seıildi. Aýa temperatýrasynyń tómendegenine baılanysty taǵy da muz qursaýy paıda bolmas úshin qutqarýshylar táýlik boıy kezekshilik etýde.