Almaty oblysy Qapshaǵaı tótenshe jaǵdaılar bóliminiń bastyǵy Janserik Ábdikerimov para aldy degen kúdikpen ustaldy, - dep habarlaıdy «Qamshy» portaly Jemqorlyqqa qarsy is-qımyl Ulttyq búrosynyń baspasóz qyzmetne silteme jasap.

Ulttyq búro sonymen qatar, sheneýnikpen birge onyń órtke qarsy qyzmet maıory shenindegi taǵy bir baǵynyshtysy tutqyndalǵanyn habarlady.

«Ábdikerimov pen Qýandyqov aldyn ala kelisim boıynsha bopsalaý jolymen «Aq saraı» dámhanasynda anyqtalǵan kemshilikterdiń joıylǵandyǵy týraly anyqtama úshin myń AQSH dollary kóleminde para alǵan», - delingen Ulttyq búro taratqan habarlamada.

Qazirgi ýaqytta ustalǵandar Almaty oblysy İle aýdany İİB-niń ýaqytsha ustaý ızolátoryna qamaldy. Sotqa deıingi tergeý júrgizilýde.