Astana qalasynyń prokýratýrasy Astanada óltirilgen stýdent Erasyl Áýbákirovtiń ólimine qatysty dep ustalǵandar týraly pikir bildirdi, - dep habarlaıdy «Qamshy» portaly.

Prokýratýra ustalǵandardyń bireýi buryn prokýratýra organdarynda qyzmet etken degen málimetti joqqa shyǵaryp otyr.

«Keı aqparat quraldarynda Erasyl Áýbákirov isi boıynsha ustalǵandardyń biri burynǵy prokýratýra qyzmetkeri ekendigi aıtylýda. Osyǵan baılanysty qala prokýratýrasy mynany habarlaıdy: qazirgi ýaqytta qamaýǵa alynǵan, 1994 jyly týǵan Nurbek Ájimbaı 2015 jyly 29 maýsym men 31 jeltoqsan aralyǵynda Astana qalasynyń jumyspen qamtý jáne áleýmettik baǵdarlamalar basqarmasynyń joldamasymen halyqty jumyspen qamtý baǵdarlamasy boıynsha Saryarqa aýdanynyń prokýratýrasyna jiberilip, onda tehnıkalyq jumystar atqardy (narádtardy qurý, qujattar tigý). Ol úshin eńbekaqy jumyspen qamtý basqarmasynan tólendi. N. Ájimbaı jedel qyzmet atqaratyn prokýratýra qyzmetshisi bolǵan joq», - delingen prokýratýra taratqan habarlamada.

Esterińizge salsaq, Astana qalasynda 3 aqpanda joǵalǵan stýden E. Áýbákirovtiń máıiti keshe Astananyń syrtynan tabylǵan bolatyn. Stýdentti azaptap jatqandardyń vıdeosy birqatar aqparat quraldarynda taratyldy.