Qazaq aıtysynyń qara nary, aqyn, qoǵam qaıratkeri Júrsin Erman búgin 65 jasqa tolyp otyr, - dep habarlaıdy «Qamshy» portaly.

Elimizde aqyndar aıtysyn nasıhattaýǵa, talantty aıtys aqyndaryn qoldaýǵa úles qosyp júrgen Júrsin Erman búgin 65 jasqa tolyp otyr. Júrsin Ermannyń uıymdastyrýymen ótken jyly jeltoqsan aıynda Almaty qalasynda Táýelsizdik kúnine arnalǵan «Táýelsizdik tolǵaýy» respýblıkalyq aqyndar aıtysy ótip, bas júlde «Altyn dombyrany» kerekýlik aqyn Aspanbek Shuǵataev ıelengen bolatyn.

Aıtys óneri – qazaqtyń jalpy halyqtyq deńgeıdegi, kári-jas demeı, kún-tún demeı kóretin óner túri. Onyń qasıet-qadiri bizge dýaly aýyz qarıalardan darydy. Al, búginginiń qarıasy kim? Aıtystyń búgingi janashyry kim? Ol árıne, Júrsin Erman. Júrsin aǵamyz jaıly bir aýyz sózben aıta salý qıynnyń-qıyny. Ol kisi týraly nege sóz qozǵady dep otyrsyzdar ǵoı?! Búgin sol asyl aǵamyzdyń týǵan kúni. Júrsin aǵa, týǵan kúnińiz qutty bolsyn! Ónerge, aıtysqa, poezıaǵa qaldyrǵan qoltańbańyzdy qazaq eshqashan umytpaıdy. Aman bolyńyz! Denińiz saý bolsyn! Ár bastaǵan isińizdiń qasynan bizder tabylyp júre bereıik!

Ult úshin, aıtys úshin tynshymaǵan,

Óleń bop órilseken búl sybaǵam.

Aıtys úshin bop júrsiń ala shapqyn,

Tirińde qadyryńdy bilsin Adam!

Ózińdi shatyǵyń men quttyqtaımyn,

Aman bol, aınalaıyn, Júrsin aǵam!

Aqyn 1951 jyly burynǵy Jezqazǵan oblysy Jezdi aýdanynyń Baıqońyr aýylynda dúnıege kelgen bolatyn. 1976 jyly Qazaq Memlekettik ýnıversıtetin támamdaǵan ol ár jyldary aımaqtyq, respýblıkalyq aqparat quraldarynda qyzmet etti. 100-den astam maqala men «Janartaý» (1983), «Araıly kún, Armysyń» (1985), «Ulytaýǵa bardyń ba?» (1989), «Qudiretke júginý» (2004), «Eki tizgin, bir shylbyr» (2006), «Qustyń kóleńkesi» syndy eńbekterdiń avtory.  

Erlan Tóleýbaı