Astanada jezókshelerdi bopsalap kelgen polısıa qyzmetkerlerine sot úkimi shyqty, - dep habarlaıdy «Qamshy» portaly.

Astana qalasy Saryarqa aýdandyq №2 sotynda úsh birdeı burynǵy polısıa qyzmetkerlerine qatysty sot prosesi aıaqtaldy. Olar qylmystyq kodekstiń 366-baby 3-bólimi 1,2 tarmaqtary – «Memlekettik qyzmet atqarýǵa ókilettigi bar tulǵanyń aldyn ala kelisim boıynsha bopsalaý jolymen para berýshiniń paıdasyna áreket etý (áreketsizdik) jáne qamqorlyq jasaǵany úshin para alý» boıynsha kináli dep tanyldy.

«Sotta sottalýshylardyń polısıa qyzmetkerleri bola tura jeózkshelerden bopsalaý jolymen aqsha alyp kelgeni anyqtaldy», - delingen sot taratqan habarlamada.

Eks-polıseılerge sot para somasynyń 70 eselengen kórsetkishi boıynsha aıyp pul salý jáne múlkin tárkileý jazasyn kesti. Sondaı-aq, olar polısıa starshınasy jáne polısıa leıtenanty arnaıy shenderinen jáne memlekettik qyzmetke ornalasý quqynan aıryldy. Olar sot belgilegen aıyppuldy bir aı merzim ishinde memleketke tóleýleri tıis.