Senat tóraǵasy Qasym-Jomart Toqaev Halyqaralyq Túrki akademıasynyń prezıdenti Darhan Qydyrálini qabyldady, - dep habarlaıdy «Qamshy» portaly QazAqparatqa silteme jasap.
Ol joǵarǵy Palatanyń basshysyn naýryzdyń sońynda BUU shtab-páterinde bolǵan «Jibek jolynyń boıyndaǵy sınergıa jáne BUU 2030 Kún tártibi» halyqaralyq sımpozıýmy týraly habardar etti.
Joǵarǵy deńgeıdegi forým alǵash ret uly Jibek jolynyń aıasyndaǵy jan-jaqty yntymaqtastyqtyń ózekti máselelerin talqylady jáne BUU-ǵa múshe memleketterge tıisti usynymdar ázirledi.
Q.Toqaev Qazaqstan Prezıdenti N.Nazarbaevtyń bastamasy boıynsha qurylǵan Túrki akademıasynyń budan bylaıǵy tabysty qyzmetine tilektestigin bildirdi.
