Esirtki tasymaldandy dep aıyptalyp, Qytaı soty ómir boıy bas bostandyǵynan aıyrǵan Aqjarqyn Turlybaıdyń apelásıalyq soty keıinge qaldyryldy, - dep habarlaıdy «Qamshy» portaly.

«Proseske Aqjarqynnyń qorǵashýsy, aýdarmashy men týystary qatysty. Sondaı-aq, sot prosesine QR Syrtqy ister mınıstrliginiń qyzmetkeri Bolat Syrlybaev ta keldi. Sot qorǵaýshy taraptyń ótinishin zertteý úshin kelesi sot otyrysyn keıinge qaldyrdy. Kelesi otyrystyń ýaqyty ázirge belgisiz. Biz usynǵan ótinishterdi qarap, sot aldaǵy otyrysta úkim shyǵarýy da múmkin», - deıdi Aqjarqyn Turlybaıdyń advokaty Suńqar Nurmaǵambetov.

Advokat Aqjarqynnyń densaýlyǵy qalypty ekenin, oǵan anasymen júzdesý múmkindigi berilgenin aıtady.

Esterińizge salsaq, 2014 jyly naýryz aıynda Aqjarqyn Turlybaı Gýanchjoý qalasynyń áýejaıynda ustalyp, oǵan esirtki tasymaldady degen aıyp taǵylǵan bolatyn 2015 jyldyń maýsym aıynda ony ómir boıy bas bostandyǵynan aıyrý týraly úkim shyqqan bolatyn.