2015 jyldyń İİİ toqsanynda Qazaqstannyń syrtqy qaryzdary 155,57 mıllıard dollardy qurady, - dep jazady LS.

Ol qaryzdardyń úshten bir bóligi Nıderlandyǵa tıesili. Budan basqa qaryzdyń 18 paıyzy Ulybrıtanıaǵa, 9 paıyzy Qytaıǵa tıesili kórinedi.

Ulttyq bank derekterine súıensek, ótken jyly Nıderlandy aldyndaǵy qaryzdarymyz 2014 jyldyń atalǵan kezeńine qaraǵanda edáýir tómendep, 43,13 mlrd dollardy quraǵan. Al, Ulybrıtanıa aldyndaǵy qaryzymyz 10 paıyzǵa ósip, 4,13 mlrd dollardy quraǵan. Qazaqstannyń Kaıman araldarynda da 1,1 mlrd dollar qaryzy bar kórinedi.

Al, Qytaıǵa qaryzymyz 2015 jyldyń 1 toqsanynda 13,35 mlrd dollardy quraıdy. Buǵan Gonkong úkimetine qaıtarylýy tıis 5,12 mlrd dollardy qosyńyz.

Bul syrtqy qaryzdardyń 8,6 mlrd dollary bank sektorynyń qaryzy bolsa, 11,2 mlrd dollar memlekettik sektorǵa tıesili. Qaryzdyń qalǵan bóligi fırmaaralyq qaryzdar (81,6 mlrd dollar) men rezıdent emes tulǵalardyń qaryzdary (54,2 mlrd dollar) kórinedi.

LS sonymen qatar, 2016 jyldyń 1 qańtarynda elimizdiń syrtqy qaryzy 153,45 mıllıard dollardy quraǵanyn jazady.