Jeńis kúni qarsańynda Uly Otan soǵysynyń ardagerlerine qoldaý kórsetý úshin qosymsha 2,6 mlrd teńge bólinedi, - dep habarlaıdy «Qamshy» portaly 24.kz-ke silteme jasap.

Bul qarajat memleket tarapynan kórsetiletin tıisti áleýmettik tólemderden bólek qarastyrylyp otyr.

«Búgin Memlekettik hatshynyń tóraǵalyǵymen jeńistiń 71 jyldyǵyn merekeleýge daıyndyq máseleleri pysyqtaldy. Bıyl bul meıram táýelsizdiktiń 25 jyldyǵy aıasynda ótedi. Demek, otan úshin ot keshkenderge degen qurmet te laıyqty deńgeıde bolýy tıis», - dep jazady 24.kz.

Ótken jyly jeńistiń 70 jyldyǵynda bastaý alǵan ıgi sharalar da jalǵasyn tappaq. Elimizde búginde 3668 Uly Otan soǵysynyń ardageri turady. Olarǵa arnap aksıalar uıymdastyrylady. Derekti fılmder túsirilip, kitaptar shyǵarylmaq. Túrli áleýmettik kómekter de qarastyrylǵan. Qazirgi tańda árbir ardagerge 110 myń teńge kóleminde zeınetaqy tólenedi.

Ómirzaq Ozǵanbaev, respýblıkalyq ardagerler uıymy ortalyq keńesiniń tóraǵasy:

- Ardagerlerdiń kez kelgeni jeke emhanaǵa baryp, medısınalyq kómek ala almaıdy. Sebebi, zeınetaqynyń mólsheri jekemenshik emhanaǵa tóleýge jetpeı jatady.

Tamara Dúısenova, QR Densaýlyq saqtaý jáne áleýmettik damý mınıstri:

- Qazir 3 aıdyń kóleminde 3300-ge jýyq UOS ardagerleri men oǵan teńestirilgen azamattardy medısınalyq tekserýden ótkizip, dıpanserlik kómek berýdi bastadyq. Myńǵa jýyq UOS ardageri men oǵan teńestirilgen azamattarǵa 52 mln teńgege tegin dári-dármek jetkizildi.