Soltústik Qazaqstan oblysy Sergeevka qalasyna baratyn jol erigen qar sýynyń astynda qaldy, - dep habarlaıdy «Qamshy» portaly.

Oqıǵa kýágeri Rústem Táýekelovtiń aıtýynsha, Shal aqyn eldi mekenine deıingi joldyń biraz bóligin sý basqan.

«Byltyr mundaı bolmaǵan. Ol kezde sý kóterilgenimen joldyń ústin basa qoımaǵan edi. Bıyl trassanyń uzyndyǵy 10 metr shamasyndaǵy birneshe bóligin sý basyp otyr. Qutqarýshylar qazir tıisti jumystar júrgizýde», - deıdi ol.

Tótenshe jaǵdaılar komıtetindegiler Petropavl-Jezqazǵan avtojolynyń 780-shaqyrymyn sý basyp qalǵanyn habarlady.

«Sý astynda qalǵan joldyń uzyndyǵy 10 metr, sý tereńdigi 10-15 santımetr», - delingen TJK taratqan habarlamada.

Áleýmettik jelilerde SQO, Qaraǵandy, Qostanaı, Pavlodar, Shyńys Qazaqstan oblystaryndaǵy sý astynda qalǵan eldi mekenderden túsirilgen vıdeolar kóptep taraýda.