Mádenıet mınıstri 53 qate shyqqan buıryqtaǵy jańylys menen emes dep at tonyn ala qashty, - dep habarlaıdy 31-arna.

Áleýmettik jelide elimizdiń Mádenıet jáne sport mınıstri Arystanbek Muhamedıuly qol qoıǵan 4 bettik buıryqtan 50-den astam gramatıkalyq qate shyqqan bolatyn. Osy oqıǵa áleýmettik jeli men aqparat quraldarynda qyzý talqyǵa tústi. Buıryqta tek gramatıkalyq qana emes, stılısıkalyq qatelerdiń de joq emestigin aıtýda jeli qoldanýshylary.

Alaıda, mádenıet jáne sport mınıstri A. Muhamedıuly buıryqqa ózi qol qoıǵan kezde ondaı qate bolmaǵanyn, tek ony qabyldap alǵan mekeme daıyn buıryqty kompúterge kóshiremiz dep bárin qurtqanyn aıtyp, kináni Ádilet mınıstrligine qarasty aqparat ortalyǵyna aýdarmaq bolǵan. Al, ondaǵylar, buıryqtyń ózderine qalaı kelse, solaı skanerlenetinin, al PDF formatta keletin elektrondy nusqasyna eshqandaı redaksıalaý júrgizbegenderin aıtyp otyr.

«Al, jurttyń ashýyna ilingen buıryq "Ádilet.zań" saıtynda áli tur. Qateden kóz ashpaǵan qujatty alyp tastaǵan da, túzetken de eshkim joq. Tek mádenıet mınıstrligi shýly oqıǵadan keıin qujattyń qatesiz túpnusqasyn óz saıttaryna júktep qoıǵan», - dep habarlaıdy telearna.