2011 jyldan beri «Jumyspen qamtý 2020 jol kartasy» baǵdarlamasyn júzege asyrý barysynda ekonomıkalyq áleýeti tómen eldi mekenderden 17 myńnan astam azamat kóshirildi (5 myńǵa jýyq otbasy), - dep habarlaıdy «Qamshy» portaly QR Densaýlyq saqtaý jáne áleýmettik damý mınıstrliginiń baspasóz qyzmeti bergen aqparatqa silteme jasap.

Jańa meken-jaıǵa kóship kelgen azamattardyń ishinde 8,4 myń adam eńbekke jaramdy jasta, olardyń 6,5 myń nemese jalpy kórsetkishtiń 77,3%-y jumyspen qamtylǵan kórinedi.

Kóshirilgen barlyq otbasylary memleket esebinen tegin baspana aldy, 30%-ǵa jýyq otbasy jeke turǵyn úılerde tursa, 70%-y páterler nemese jataqhanadan bólmeler aldy. Jalpy alǵanda 1223 jeke turǵyn úı, 108 kóppáterli turǵyn úı jáne 12 jataqhana salyndy.

Oblystar arasynda kóshirilgen adamdardyń basym bóligi Qaraǵandy oblysynda – 4 428 adam, Pavlodar jáne Shyǵys Qazaqstan oblystarynda sáıkesinshe 3 145 jáne 2 529 adam boldy.

Esterińizge sala keteıik, «JQJK 2020» baǵdarlamasynyń úshinshi baǵyty jumys berýshiniń qajettiligi sheńberinde oqytý jáne qonys aýdarý arqyly jumysqa ornalasýǵa járdemdesý bolyp tabylady. Sonymen, 2015 jyly ekonomıkalyq áleýeti tómen eldi mekenderden 1200-den astam adam kóshirildi.