Qytaıdan oralǵan qandasymyz Aqmola oblysynda aýdandyq máslıhatqa depýtat bolyp saılandy, - dep habarlaıdy «Qamshy» portaly.

20 naýryzdaǵy saılaýda qandasymyz Erǵalı Asqaruly 56 paıyz daýys jınap Aqmola oblysy Ereımentaý aýdany máslıhatynyń depýtaty atanǵan edi. Arǵy bettegi aǵaıynǵa úlgi bolsyn degen nıetpen osy jańalyqty súıinshilep jarıalap otyrmyz.

Erǵalı 1989 jyly 1 qarashada Qytaı halyq Respýblıkasy Altaı aımaǵy Shińgil aýdanynda dúnıege kelgen. Sol jerdegi bastaýysh jáne negizgi mektepti támamdaǵan. 2005 jyly otbasymen birge Qazaqstanǵa kóship kelgen.  2005-2007 jyldary Ereımentaý aýdany  Oljabaı batyr aýyly Blagodat orta mektebin aıaqtaǵan. 2008-2010 jyldary Astana qalasy «Qarjy akademıasy» kolejin tehnık baǵdarlamashy mamandyǵy boıynsha úzdik dıplommen bitirgen.

2011-2012 jyldary  Ereımentaý aýdany jumyspen qamtý ortalyǵynda tehnık-baǵdarlamashy laýyzymynda bolǵan. 2012-jyldan beri Oljabaı batyr aýylynyń orta mektebinde ınformatıka pániniń muǵalimi.  Qazirgi tańda Pavlodar memlekettik pedagoıkalyq ınstıtýtynyń ınformaıtka páni muǵalimi mamandyǵy boıynsha sońǵy kýrsta syrttaı bólimde oqýyn jalǵastyrýda. Qazaq orys tilderin meńgergen. Úılengen. Bir qyzdyń ákesi.

Ár túrli qoǵamdyq sharalarǵa belse qatysyp jan-jaqty qyrmen tanylyp halyq qalaýlysy atanǵan  Erǵalı aldaǵy halyqtyń senimin aqtaıdy dep senemiz. Aldaǵy jumys saparyńa sáttilik, isterińe ónimdilik tileımiz.

Erdos Janabyluly