Qaraǵandylyq mektep oqýshysy Darıa Andreıchenko Maıkrasoft kompanıasynyń negizin qalaýshy Bıll Geıts taǵaıyndaǵan grantty Qazaqstan oqýshylary arasynan alǵashqy bolyp ıelenip otyr, - dep habarlaıdy «Qamshy» portaly «Habar» arnasyna silteme jasap.

Darıa Andreıchenko bizdegi Ulttyq birińǵaı testtiń amerıkandyq balamasy SAT synaǵyna óz betinshe daıyndalǵanyn aıtady. Ol synaq tapsyrar aldynda onlaın-suhbattasýdan ótken.

Endi ol álemniń eń tanymal joǵary oqý oryndarynyń biri Dúka ýnıversıtetinde bilim alatyn bolady.

«Bul ýnıversıtetke 32000 adamnyń tek 1700-i ǵana túse alady eken. Al, osy shákirtaqy boıynsha oqý baqyty jyl saıyn álem boıynsha tek 8 talapkerge buıyrady eken. Maǵan oqýǵa tústiń degen hat kelgende jáne shákirtaqy fınalısti ekenimdi estigende senbeı, ázil shyǵar dep qabyldadym», - deıdi Darıanyń ózi.

Biraq, Darıa qatarlastarymen birge aldaǵy Ulttyq birińǵaı testileýge daıyndyqtan syrt qalmaıtynyn aıtady. Osy rette Darıa Andreıchenkonyń mánerlep syrǵanaýdan birneshe dúrkin Qazaqstan men Reseı chempıony ekenin de aıta ketý kerek.