Astanadaǵy mamandandyrylǵan halyqqa qyzmet kórsetý ortalyǵynda alaıaqtar kólikterdiń memlekettik tirkeý nómirleriniń «VIP» úlgilerin arzan baǵaǵa satyp kelgen. Qazir polısıa alaıaqtardyń qyzmetin paıdalanǵan azamattardyń naqty sanyn anyqtaýda, - dep habarlaıdy «Qamshy» portaly KTK arnasyna silteme jasap.

Telearnanyń habarlaýynsha, úsh birdeı sandardan turatyn kólik nómirlerin alaıaqtar jalǵan túbirtekter arqyly satyp kelgenin habarlap otyr.

Jalǵan qujat jasaýdy erli-zaıypty ekeý birneshe aı boıy tabys kózine aınaldyryp kelgen. Olar sol HQKO ǵımaratynyń ishinde qolǵa túsken.

Qylmyskerlerdi quryqtaý operasıasy ol ekeýdiń birneshe sybaılasy bolǵanyn anyqtap otyr. Uıymdasqan top ádette 500000 teńgege satylýy tıis «001», «777», «999» syndy nómirlerdi jalǵan túbirtek jasaý arqyly azamattarǵa arzan baǵaǵa satyp kelgen.

Arna byltyr HQKO jeti júzden astam osyndaı kólik nómirlerin satqanyn, olardyń qanshasy jalǵan túbirtekpen satylǵany belgisiz dep otyr.

Eldi aldaǵan ekeý úıde otyryp «VIP» nómirlerdiń qujattaryn qoldan jasap kelgen. Al, sybaılastary qymbat nómir alǵysy keletin klıentterdi taýyp berip otyrǵan.