Qyrǵyzstan Joǵarǵy keńesiniń tóraǵasy aǵasynyń premerlikke usynylýyna baılanysty óz laýazymynan bas tartty, - dep habarlaıdy «Qamshy» portaly.

Qyrǵyz eliniń Joǵarǵy keńes tóraǵasy Asylbek Jeenbekov óz laýazymyn toqtatatyny týraly málimdeme jasady. Parlament jetekshisi bul sheshimin týǵan aǵasy Soorynbaı Jeenbekovtyń Premer-mınıstr laýazymyna usynylýymen baılanystyryp otyr.

«Prezıdenttiń senim bildirýimen jáne depýtattardyń qoldaýymen men eki márte parlament spıkerligine saılandym. Meniń týǵan aǵamnyń kandıdatýrasy premer-mınıstr laýazymyna qarastyrylýyna baılanysty óz erkimmen Joǵarǵy keńes tóraǵalyǵynan bas tartamyn», - deıdi A. Jeenbekov.

Premer-mınıstrlikke úmitker  Soorynbaı Jeenbekov.

Endi Joǵarǵy keńes depýtattary jańa premerdiń kandıdatýrasyn bekitýmen qatar, parlamenttiń jańa tóraǵasyn da anyqtaıtyn boldy.