Armenıanyń Shırak oblysy Arıch aýylynda Qazaqstan prezıdenti Nursultan Nazarbaevtyń atyna berilgen ortalyq kósheniń ataýy ózgertiletin boldy dep habarlaıdy NUR.KZ portaly novostink.ru saıtyna silteme jasap.
Aýyldyń aqsaqaldar keńesi 14 sáýir kúni biraýyzdan osyndaı sheshim qabyldaǵan dep málimdedi aýyldyq ákimshilik basshysy Roalnd Nazaretán.
Aqasaqaldar kósheni «Arsah» dep ataýdy usynsa, jergilikti shirkeýdiń dindarlary oǵan Grıgor Lýsavorıchtiń esimin berýdi qalaıdy.
«Aldaǵy aqsaqaldar keńesiniń otyrysynda sońǵy sheshim shyǵarylyp, kóshe ataýy ózgertiledi», — deıdi Nazaretán.
Onyń aıtýynsha, turǵyndar bir jyl buryn Nazarbaev Armenıanyń EAEO qataryna qosylýyn qoldamaǵan kezde kósheniń ataýyn aýystyrýdy uıǵarǵan. Alaıda Nazaretánǵa bulaı jasaýǵa "joǵarydaǵylar" kedergi keltirgen-di.
Aýyl turǵyndary sondaı-aq Qazaqstan prezıdentiniń ótinishimen Erevanda EAEO premer-mınıstrleriniń samıti bolmaı qalǵanyna renjýli. Nazarbaevtyń Túrkıa prezıdenti Erdoǵandy qushaqtaǵanynan keıin turǵyndardyń shydamy tipten taýsylyp, olar kósheden prezıdenttiń ataýy ilingen taqtaıdy julýǵa kirisken.
Kóshe 10 jyldan beri Nazarbaevtyń atymen atalyp keledi. Ony Qazaqstan prezıdentiniń qurmetine qoıý usynysyn Ulttyq jıynnyń burynǵy depýtaty Mhıtar Varakán jasaǵan. Aıta keterligi, sol kezde Varakánnyń aǵasy Nazarbaevtyń keńesshisi bolǵan.
Arıch aýylynyń sol kezdegi basshysy Roland Nazaretán bul bastamanyń sebepteri jan-jaqty qaralǵanyn alǵa tartqan edi.
«Arıch 1400-1947 jyldar aralyǵynda Kpchak dep ataldy. Al Kpchak Qazaqstannyń kóne taıpalarymen baılanysty bolǵandyqtan, Varakánnyń bastamasymen kósheni Nazarbaev dep ataý sheshimi qabyldandy. Biz Qazaqstandy dosymyz dep bilemiz, ol bizdiń respýblıkamyzben Eýrazıalyq odaq aıasynda yntamaqtastyq qarym-qatynasta. Bul ataýdy osylaı ózgertýge tolyq negiz beredi», — dep túsindirgen edi Nazaretán.
Atalmysh aýyl Nazarbaevtyń esimimen shektelmeıdi. Aýyldyń kitaphanasynda Nazarbaevtyń úlken portreti men elimizdiń ádebı kitaptary qoıylǵan Qazaqstan buryshy bar. Bul buryshty 2011 jyly Qazaqstan elshiligi qoıǵan.
Elshilik kitaphanaǵa jıhaz, ústel, kitaptar, kartınalar jáne ulttyq kıimderdi tartý etken. Nazarbaevqa kóshe ataýy berilgeninen Qazaqstan prezıdenti qanshalyqty habardar ekenin aýyl turǵyndary áli kúnge deıin bilmeıdi.
