Qarjylyq daǵdarys Pavlodar oblysyndaǵy «SPID-tiń» aldyn alý ortalyǵyn músheqap alýǵa bólinetin qarajat kólemin qysqartýǵa májbúrlep otyr, - dep habarlaıdy «Qamshy» portaly ratel.kz – ke silteme jasap.

Saıttyń jazýynsha, oblystyq «SPID-ke» qarsy ortalyq bıyl memlekettik satyp alý portaly arqyly jalpy quny 9 999 982 teńgege músheqaptar satyp almaqshy eken. Bul qarajatqa ortalyq ár danasyn 82 teńgeden 121951 músheqap satyp alýdy kózdep otyr.

Músheqaptar jyldaǵy dástúr boıynsha seks-óndiristiń belsendi múshelerine (jezókshelerge – red.), qyztekeler men erkekqyzdarǵa, buryn sottalǵan azamattar men nashaqorlarǵa tegin taratylmaq.

Oblystyq juqpaly aýrýǵa qarsy ortalyq mamandary sondaı-aq, qarjy tapshylyǵyna baılanysty, bıyl múshe qap satyp alýǵa bólingen qarajattyń birshama qysqarǵanyn aıtqan. Mysaly, 2015 jyly bul maqsatqa 15,5 mıllıon teńge bólinip, ol qarajattyń 10 mıllıonyna quny 50 teńge bolatyn, qalǵan 5,5 mıllıon teńgesine 20 teńgelik músheqaptar satylyp alynǵan kórinedi.

Saıt mamandar seks-ónerkásiptiń árbir jumysshysyna bir jylǵa 1060 músheqap qajet ekenin de eseptep qoıǵanyn jazyp otyr. Statısıkalyq málimetterge saı, oblysta búginde osyndaı 700-den astam adam bar kórinedi. Joǵarydaǵy esepke júginsek, olardyń «suranysyn» qanaǵattandyrý úshin 750 myń músheqap satylyp alynýy qajet. Al, mundaı mólsherdi oblys búdjeti kótere almaıtyndyqtan, óńirdegi jezókshelerdiń birshamasy tegin músheqaptan qaǵylǵaly otyrǵan sıaqty.