«Ádil sóz» Halyqaralyq sóz bostandyǵyn qorǵaý qorynyń prezıdent Tamara Kaleeva Qazaqstan Jýrnalıser odaǵy tóraǵasynyń mindetin atqarýshy bolyp saılandy, - dep habarlaıdy «Qamshy» portaly KazTAG– qa silteme jasap.

«Qazaqstan Respýblıkasy Jýrnalıser odaǵy» qoǵamdyq birlestiginiń jarǵysyna jáne QR zańnamalary talaptaryna sáıkes, Odaqtyń quramynda basqarma músheleri A. Qapbarova, K. Batyrov, P. Dolmatov, V. Ryjkov, E. Toqshylyq, N. Qýbrakov, Iý. Pomınov, J. Ádilbaev, I. Júsipqalıev, S. Harchenko, Iý. Pomınov, M. Janadilov, A. Ońǵarbaev, K. Baısadaqov, E. Bapı basqarmasy 18 sáýir kúni ótken beınekonferensıada T. Kaleevany Jýrnalıser odaǵy tóraǵasynyń mindetin atqarýshy etip saılaý máselesin qarady», - delingen odaq taratqan habarlamada.

Beınekonferensıa barysynda oǵan qatysqandar bir aýyzdan Tamara Kaleevanyń kandıdatýrasyn qoldaǵan.

Esterińizge salsaq, Qazaqstan Jýrnalıser odaǵynyń tóraǵasy 22 aqpannan beri jemqorlyq qylmysqa qatysy bar degen kúdikpen tergeýge alynǵan.