Ońtústik Qazaqstanda taýǵa serýendep ketip, 4 kúnnen beri izdestirilip jatqan áıel men búldirshin qyzdyń denesi tabyldy. Qutqarýshylar 56 jastaǵy Áshirkúl Baımuratova men 7 jasar Inabat İńkárbektiń máıitin Dáýbaba aýylynan 10 shaqyrym jerdegi Qaraqýys shatqalynan tapqan, - dep habarlaıdy Qamshy.kz KTK arnasyna silteme jasap.

Jeksenbi kúni Shymkentten kelgen áıel qasyna kishkentaı sińlisin ertip, taýǵa serýendep ketken eken. Sóıtip, aýyldan uzaı bere jańbyr jaýyp, qalyń tuman túsipti. Sondyqtan ekeýi adasyp ketýi múmkin. Olardy ózderi izdep tappaǵan aýyldastary polıseıler men qutqarýshylarǵa habar bergen bolatyn. 3kún boıy taý-tasta tintigen 400 mamanǵa Ulttyq ulan sarbazdary kómekke kelgen. Alaıda, joǵalǵandardyń máıiti tabylyp otyr. Al tergeý júrgizip jatqan shuǵyl top marqumdardyń denesinen zorlyq-zombylyq belgileri joq ekenin aıtady.