Aǵymdaǵy jyl bastalǵaly beri qazaqstandyq sheneýnikter el búdjetine 3,6 mlrd teńge shyǵyn keltirgen, - dep habarlaıdy Qamshy.kz. Bul týraly Astanadaǵy OQK alańynda Jemqorlyqqa qarsy kúres ulttyq búrosynyń departament basshysy Esqalı Salamatov málimdedi.

"Jyl basynan beri jemqorlyqqa qarsy qyzmettiń sotqa deıingi tergeý tizimine 1097 is tirkelgen, olardyń 87 paıyzy jemqorlyq babyna qatysty qylmystar. Zańsyzdyqtardyń kóbisi (38%) para alý retinde oryn alǵan. Sondaı-aq, qyzmetin asyra paıdalaný (4%) jáne jalǵan qujat ázirleý (12%) syndy quqyq buzýshylyq túrleri de az emes. Jemqorlyq qylmysy boıynsha el qazynasyna barlyǵy 3,6 mlrd teńge shyǵyn kelgen. Olardyń 2 mıllıard teńgesi keri qaıtaryldy.

Sonymen qatar, shyǵynnyń ornyn jabý úshin jaýapty tulǵalardyń 2,4 mlrd teńgege baǵalanǵan múlikterine buǵat qoıyldy" dedi E.Salamatov jýrnalısermen bolǵan kezdesý barysynda.

Onyń aıtýynsha, Qazaqstan álemdegi eń jemqor elderdiń tiziminen áli de bolsa shyǵa alar emes. Transparensy reıtıńi boıynsha bıyl elimiz 123-oryndy ıelense, byltyr 126-satyda bolǵan.