Mańǵystaý oblystyq İİD Aqtaýda ótti delingen mıtıńtiń vıdeosyn taratyp, arandatýshylyqpen aınalysqandardy izdestirip jatyr, - dep habarlaıdy Qamshy.kz Tengrinews.kz  - ke silteme jasap.

Mańǵystaý oblysynda ótti delinip, anonım qoldanýshylardyń jelige júktegen vıdeosyna qatysty Mańǵystaý oblystyq İİD málimdeme jasady.

«Bul málimet shyndyqqa janaspaıdy. Oblysta jedel jaǵdaı turaqty. Quqyq qorǵaý organdary tártipti qamtamasyz etý boıynsha sharalardy shtat rejıminde júzege asyryp jatyr. Bul vıdeo tekserilip jatyr. Arandatýshylyq kontentti uıymdastyryp, taratýshy tulǵalardy anyqtaý boıynsha jumystar júrip jatyr. Qazirgi zańnamaǵa sáıkes, jalǵan málimet taratýǵa qylmystyq jaýapkershilik qarastyrylǵanı, - delingen habarlamada.

Al, Mańǵystaýda boldy degen vıdeodaǵy kórinisterge uqsaıtyn oqıǵa 2015 jyldyń aqpan aıynda OQO Saryaǵash aýdanynda oryn alǵan qaqtyǵys kezinde túsirilgen bolatyn.