Eń aldymen keler jyly ótedi dep qurylysy qyzý júrip jatqan «EKSPO-2017» nysanyndaǵy jumysshylarmen kezdesý uıymdastyryldy, - dep habarlaıdy Qamshy.kz 31-arnaǵa silteme jasap.

Maqsat bireý - elimizdiń barlyq aımaǵynan kelgen azamattar arasyndaǵy dinı taqyryptaǵy kelispeýshilikterge túsinikteme berý.

TÓLEBI OSPANOV,  «Nur Astana» meshitiniń naıb ımamy:

- Jaı ǵana salt-dástúrlerdiń ózinde kelispeýshilikterdiń bolýy zańdylyq. Bul osy syndy dinı turǵyda da ártúrli túsinik osy alańǵa kelip jınalatyny sózsiz. Sondyqtan osy jerde ártúrli durys emes túsinikter basqa kisilerdi ýlamas úshin búgingi shara túsindirý maqsatynda uıymdastyrylyp otyr.

Jıynda elge tanymal dintanýshylardan bólek tarıhshylar da sóz alyp, qazaq jerindegi ıslam dininiń ótkenin táptishtep túsindirip berdi. Teris aǵymdardyń jumys isteý sıpattary men olardyń qoǵamǵa keltirer zıany da aıtyldy. Dástúrli emes dinı birlestikterdiń kóbi lańkestik uıymdarmen baılanysy bar ekenine de toqtaldy.  

ERKİNBEK SHOQAEV, Atyraý oblysy din isteri basqarmasynyń basshysy:

- «Islam memleketi» dep ózin atap otyrǵan uıymnyń isterin, olardyń qylmystaryn áshkerelep, buqaralyq aqparat quraldary arqyly, osyndaı jıyndar arqyly jáne árbir otbasy óziniń shańyraǵynda aıtyp, árbir azamat ermeıtin bolsa olardyń teris baǵyttaǵy ýaǵyzdaryna, onda biz qoǵam retinde yntymaǵymyzdy, tynyshtyǵymyzdy saqtap qalamyz.

Uıymdastyrýshylar osyndaı jıynǵa qatysqandardyń ishinde teris aǵym jeteginde júrgender bolsa, dintanýshylardyń aıtqandarynan sabaq alyp, dástúrli dinge oralýy múmkin deıdi. Al ózgelerge aldyn ala eskertý arqyly ımýnıtet qalyptastyrý kózdelgen. Elorda bıligi bul baǵyttaǵy jumystaryn aldaǵy ýaqytta da júıeli túrde jalǵastyra bermek.