Ekologtardyń boljamy boıynsha bıotoǵannan aýaǵa kúkirt sýtegisi tarap, qalypty jaǵdaıdan 10 esege artqan, - dep habarlaıdy Qamshy.kz 24.kz – ke silteme jasap.

Qazir mamandar káriz sýynan synama alyp, zerthanaǵa jiberdi. Kún kúrt jylyǵasyn turmystyq qaldyq jınalatyn toǵan betindegi muz erip ketse kerek. Sonyń saldarynan qolqany qabatyn ıis aınalany lezde alyp ketken. Ýly gaz ıisine tunshyqqan turǵyndar kóshege shyǵýdan qaldy. Kúkirt sýtegisiniń naqty qaıdan shyqqany saraptama qorytyndysynan keıin belgili bolady.

Azamat Bektasov, oblystyq ekologıa departamentiniń bólim basshysy:

- Erteń tutynýshylardyń quqyǵyn qorǵaý departamenti, «Qazgıdromet» ortalyǵynyń mamandarymen birge top quryp, ýly gazdyń oshaǵyn anyqtaıtyn bolamyz. Kúkirt sýtegisiniń adam aǵzasyna zıany joq.