Qaraǵandy oblysy Qarqaraly qalasynda atys boldy. Kýágerlerdiń aıtýynsha, bir adam qaza tapty, - dep habarlaıdy Qamshy.kz portaly Tengrinews.kz –ke silteme jasap.

Oqıǵa 24 sáýirde saǵat 03.30 shamasynda Qarqaraly qalasyndaǵy "Tamasha" meıramhanasyna jaqyn jerde bolǵan. Oqıǵany kýágerlerler vıdeoǵa túsirip aldy.

Qaraǵandy oblysy İİD ókilderiniń málimetinshe, 24 sáýirde Qarqaraly aýdandyq ishki ister bóliminiń jol-patrýldik polısıasynyń vzvody aralaý barysynda qalanyń bes turǵyny kólikte mas kúıinde bolyp, qyzmettik kólikti toqtatyp, polıseılerdi balaǵattaǵan. Olar polıseılerdi mas kúıinde kólik júrgizgeni úshin júrgizýshi kýáligin alyp qoıdy dep aıyptady.

"Polıseılerge qatysty kúsh kórsetti. Polıseılerdiń buzaqylyq kórsetýdi toqtatý týraly buıryǵyna er adamdar moıynsunbady. Quqyqqa qaıshy keletin áreketterge baılanysty polıseıler tabel qarýynan áýege jáne jerge eskertpe oq atty. Aldyn ala málimet boıynsha, jerge atylǵan oq qatysýshylar men "tóbeles bastaýshylardyń" birine taıyp baryp tıgen. Oqıǵa ornyna kelgen qosymsha İİB kúshteri kúdiktilerdi polısıa bólimine jetkizdi", - dedi baspasóz qyzmetiniń basshysy Baqytjan Qudıarov.

Jaralanǵan adam aýrýhanaǵa jetkizildi. Osy derek boıynsha, oqıǵa sotqa deıingi biryńǵaı tergeý reestrine QR Qylmystyq kodeksiniń 380-babynyń 1-bóligi boıynsha ("Bılik ókiline qatysty kúsh qoldaný") tirkeldi.