Búkilálemdik boks keńesiniń (WBC) prezıdenti Maýrısıo Súleıman WBC tujyrymy boıynsha orta salmaqta álemniń ýaqytsha chempıony Gennadıı Golovkınniń áıgili Saýl Alvarespen qashan kezdesetinin aıtty, - dep habarlaıdy Vesti.kz.

Aıta keteıik, uıymnyń sheshimine sáıkes eki boksshy da osy tıtýldy qorǵaýǵa mindetti. "Eki tarap jasasqan kelisim bar. 7 mamyrdan keıin eki boksshyǵa kelisimge kelýge bir aı ýaqyt berildi. Eger olar ózara kelise almasa, biz promoýterlik saýda uıymdastyramyz", - dedi Súleıman Golovkın - Ýeıd kezdesýinen keıin ESPN telearnasyna bergen suhbatynda.

Onyń aıtýynsha, WBC kez kelgen jaǵdaıda erejege súıenip sheshim qabyldaıdy. "Dál qazir Golovkın - ýaqytsha chempıon, Alvares - negizgi chempıon. Bul másele burynnan qaralyp kele jatyr. Serhıo Martınespen mindetti jekpe-jek ótkennen keıin Mıgel Kotto Golovkınmen kelisti. Osydan keıin Golovkın oǵan Alvarespen kezdesýge ruqsat berdi. Saýl jeńiske jetti, sosyn ol taǵy bir kezdesýge ruqsat surady, sodan keıin ǵana Golovkınmen judyryqtasýǵa daıyn ekenin aıtty. Qazir biz 7 mamyrdy kútýimiz kerek. Osydan keıin ǵana Golovkın men Alvares - Han kezdesýiniń jeńimpazymen jekpe-jek uıymdastyrýǵa kirisemiz", - dedi Súleıman.

Óz kezeginde Búkilálemdik boks asosıasıasynyń (WBA) basshysy Hılberto Mendos Golovkın - Alvares jekpe-jegi bolmaǵan jaǵdaıda, qazaqstandyq boksshyny orta salmaqta WBA (Regular) chempıony Denıel Djeıkobspen kezdesýge mindetteıtinin aıtty. "Biz tıtýldy qorǵaý jekpe-jegin uıymdastyrǵymyz keledi, degenmen WBC uıymyna kedergi keltirmeımiz", - dedi ol.