Búgin Prezıdent Nursultan Nazarbaevtyń Jarlyǵymen QR Bas prokýrory aýysty, - dep habarlaıdy Qamshy.kz.

«Memleket basshysynyń Jarlyǵymen osyǵan deıni Bas prokýrordyń orynbasary bolyp kelgen Jaqyp Asanov Qazaqstan Respýblıkasynyń Bas prokýrory bolyp taǵaıyndaldy.

Jaqyp Asanov 1963 jyly 17 tamyzda Qyzylorda qalasynda týǵan. Qazaq Memlekettik ýnıversıtetin «Quqyqtaný» mamandyǵy boıynsha támamdaǵan.

1986-1993 jyldary Qyzylorda oblysynyń prokýratýra organdarynda qyzmet atqarǵan.

1993-1994 jyldary Bas prokýratýranyń basqarmalarynda basshylyq laýazymdarda bolǵan.

1994-1996 jyldary QR Prezıdent Ákimshiligi zańdylyq pen quqyqtyq tártipti jáne sot reformasyn qamtamasyz etý bóliminde keńesshi, meńgerýshi bolyp qyzmet atqarǵan.

1996 jyly Ońtústik Qazaqstan oblysy boıynsha salyq polısıasy basqarmasynyń birinshi orynbasary bolyp taǵaıyndaldy.

1997-2001 jyldary QR Bas prokýrorynyń aǵa kómekshisi – áleýmettik-ekonomıkalyq saladaǵy zańdylyqty qadaǵalaý basqarmasy bastyǵynyń orynbasary, basqarma bastyǵy, memlekettik organdar qyzmetindegi zańdylyqty qadaǵalaý departamentiniń bastyǵy laýazymdaryn atqardy.

2001 jyldyń aqpanynan 2002 jyldyń aqpanyna deıin Almaty qalasy prokýrorynyń birinshi orynbasary, 2002 jyldyń aqpanynan 2003 jyldyń maýsymyna deıin Pavlodar oblysynyń prokýrory boldy.

2003 jyldyń maýsymynda Ádilet vıse-mınıstri bolyp taǵaıyndaldy.

2005-2006 jyldary «Atameken» kásipkerler men jumysberýshiler jalpyulttyq odaǵy atqarýshy dırektorynyń orynbasary, «Qazaqstan komýnaldyq júıeleri» AQ-y dırektorlar keńesiniń tóraǵasy, «Ordabasy» korporasıasy» AQ-y prezıdenti, dırektorlar keńesiniń múshesi boldy.

2007-2012 jyldary İÚ jáne Ú shaqyrylǵan Parlament Májilisine «Nur Otan» partıasynyń atynan depýtat bolyp saılandy.

2012 jylǵy 6 qyrkúıekte Prezıdent Jarlyǵymen Qazaqstan Respýblıkasy Bas prokýrorynyń orynbasary bolyp taǵaıyndaldy.

3-sanatty memlekettik ádilet keńesshisi. Zań ǵylymdarynyń kandıdaty. «Qurmet» ordeniniń, «Qazaqstan Respýblıkasy Táýelsizdigine 10 jyl» merekelik medaliniń, «Qazaqstan Respýblıkasy prokýratýrasynyń qurmetti qyzmetkeri» keýde belgisiniń ıegeri.

Úılengen. Úsh balasy bar.