Qalalyq jerlerdegi eńbek naryǵy 2015 jyly keńeıgeni baıqalady – ótken jyly qalalyq jerlerdegi jaldanbaly jumysshylar sany 155 myń adamǵa ósken. Bul 2011 jyldan bergi ýaqyttaǵy eń joǵarǵy kórsetkish, - dep habarlaıdy Qamshy.kz ranking.kz-ke silteme jasap.

Eńbek naryǵynyń ósýi Astana men Almaty qalasynda baıqalady, munda jumys isteıtin halyq sany 113 myń adamǵa artqan. Bul – respýblıka boıynsha ósimniń 73 paıyzyna teń.

Almatydaǵy jumyspen qamtý negizinen saýda sektoryna tıesili – bul sala qala ekonomıkasyndaǵy jumyspen qamtý ósiminiń 50 paıyzyn qurap otyr.

Al, Astana qalasynda eńbek naryǵynyń keńeıýi qurylys sektorynda baıqalady. Bul sala astana ekonomıkasyndaǵy jumyspen qamtý ósiminiń 20 paıyzyn qurap otyr.

Astanadaǵy qurylys sektory EKSPO-2017 jobasyn júzege asyrý arqasynda ósimge ıe bolýda. Astanalyq eńbek naryǵynda jumyspen qamtý naryǵynyń kúrt ósýi 2011 jyly, Astananyń halyqaralyq kórme ótetin oryn retinde jarıalanǵanynan keıin bastaldy.

Búgingi tańda EKSPO-2017 jobasy jańa nysandar qurylysynda 8,8 myń jumys ornyn ashyp, Astanadaǵy qurylys sektoryna tıesili eńbek naryǵynyń 30 paıyzyn qurap otyr.

Salystyrý úshin aıtar bolsaq, 2015-2019 jyldarǵa arnalǵan Memlekettik ındýstrıalyq-ınnovasıalyq damý baǵdarlamasyn (IIDMB) júzege asyrý barysynda óńdeý ónerkásibi salasynda respýblıka boıynsha 4,5 myń jańa jumys orny ashylǵan.

EKSPO-2017 nysandarynyń qurylysyna bas merdiger retinde 254 otandyq taýar óndirýshi tartylyp, jalpy quny 33,703 mlrd teńge bolatyn kelisim-sharttar jasalǵan. Onyń ishinde Astana qalasy boıynsha (196 kásiporyn) – 21,6 mlrd. teńge, SQO boıynsha (1 kásiporyn) – 1,1 mlrd teńge, Qaraǵandy oblysy boıynsha (20 kásiporyn) – 8,3 mlrd teńge, Pavlodar oblysy boıynsha (4 kásiporyn) – 0,7 mlrd teńge, OQO boıynsha (2 kásiporyn) – 0,02 mlrd teńge, SHQO boıynsha (1 kásiporyn) – 0,1 mlrd teńge, Aqmola oblysy boıynsha (3 kásiporyn) – 0,2 mlrd teńge, Jambyl oblysy boıynsha (2 kásiporyn) – 0,1 mlrd teńgeniń kelisim shartyna qol qoılyǵan.