Alǵashqy jekemenshik túrme Shymkentte salynady, -dep habarlaıdy 31 arna.

İshki ister mınıstrligi ókilderi túrmege arnaıy jer telimderi berilip qoıǵanyn da aıtty. Jalpy Qazaqstannyń bes oblysynda ınvestorlarǵa tıesili túrme bolady eken. 

Alaıda túrme salýǵa qansha qarjynyń qarastyrylyp otyrǵany belgisiz. Tek Shymkenttegi túrmeniń jobasy bekip, jer telimi bólinip qoıǵan. Túrli rejımdi etip salynatyn túrmede 1500 oryn bolady. Memlekettik jekemenshik seriktestik negizinde salynatyn abaqtylar qurylysy 2017 jyly bastalady.  

«Soltústik Qazaqstanda da jekemenshik túrme salý qolǵa alyndy. Jalpy bes oblysta túrli rejımdegi túrmeler salynady. Qazir sol óńirlerde jer ýchaskeleri bólinip, jumys bastalyp ketti», - deıdi  QR İİM Qylmystyq-atqarý júıesi komıteti tóraǵasynyń orynbasary Meıram Aıýbaev.