Mańǵystaý oblysynda tek altyn buıymdardy urlaýmen aınalysqan kezbe-urylar qolǵa tústi. Qyzylorda oblysynan kelgen baýkespeler úılerge terezeden op-ońaı kirip otyrǵan, - dep habarlaıdy KTK arnasy.
Gastrolerler ylǵı jer úılerdi tonapty. Fort-SHevchenko, Jańaózen, Jetibaı, Quryq, Shetpe kentterinen 27 úıdiń múlkin úptep ketken. Úsh ury aldymen aýyldardy aralap júrip, aýqatty degenderiniń esigin qaǵyp kórgen. Úıde eshkim bolmaǵan soń terezeden kirip aqsha, altyn buıymdaryn alyp shyǵypty. Sóıtip zergerlik zattardy Aqtaýdaǵy ortalyq bazarda satqan. Áli ótkizip úlgermegenderin polısıa tárkiledi. Nebári jarty aıdyń ishinde kezbe-urylar 15 mıllıon teńgeniń zattaryn qoldy etken. Tintý barysynda 2 mıllıon teńge men Kanada dollary tabyldy. Qazir ońaı oljaǵa kenelmek bolǵan úsheý tergeý abaqtysynda otyr.
