Memleket basshysy arta túsken demografıalyq dısbalans jańa   kóshi-qon tolqyndaryn qalyptastyryp, áleýmettik shıelenisti kúsheıtetinin atap ótken.

Qazirge kezde, ishki kóshi-qon máselesinde eńbek resýrstary men demografıa jaǵynda ońtústik pen soltústik aımaqtar arasynda teńsizdik oryn alyp keledi.

Osyǵan oraı, Ońtústik Qazaqstan oblysynda ishki kóshi-qon prosesterin retteý jáne eńbek resýrstarynyń teńgerimdiligin arttyrý, halyqty birkelki jaıǵastyrý maqsatynda eńbek kúshi mol aımaqtan, eńbek kúshi jetispeıtin  respýblıkamyzdyń soltústik óńirlerine óz erkimen halyqty qonystandyrý jumystary júrgizilýde.

Búgingi tańda Soltústik Qazaqstan, Shyǵys Qazaqstan oblystary  men Ońtústik Qazaqstan oblysy ákimderi arasynda ózara yntymaqtastyq Memorandýmdar túzildi.

Oblysta halqy tyǵyz ornalasqan aýdandarmen aqparattyq-túsindirý jumystar júrgizildi, arnaıy jumys toby qurylyp is-sharalar jospary bekitildi.

Atqarylǵan jumystardyń nátıjesinde: 800 astam otbasy elimizdiń soltústik óńirlerine qonys aýdarýǵa nıet bildirse, 50 otbasy halqy tyǵyz aýdandardan Soltústik Qazaqstan oblysyna qonys aýdardy.

Sonymen birge, Shyǵys Qazaqstan oblysyna «Jumyspen qamtý 2020 jol kartasy» baǵdarlamasy sheńberinde 2014 jyldan beri Ońtústik Qazaqstan oblysynan  107 otbasy qonys aýdarýǵa nıet bildirip, 20 otbasy (75 otbasy múshesi) Shyǵys Qazaqstan oblysynyń Rıdder qalasynan turǵyn úı alyp, otbasynyń barlyq jumysqa jaramdy azamattary jumysqa ornalasty. Baǵdarlamadan bólek Shyǵys Qazaqstan oblysyna 100-den asa Ońtústik Qazaqstandyq qonys aýdardy.

Elbasynyń bergen tapsyrmasyn taǵy da jandandyrý maqsatynda halqy tyǵyz ornalasqan oblysymyzdyń Saryaǵash, Maqtaral aýdandary men Shymkent qalasynda 2016 jyldyń 27-29 sáýir aralyǵynda Soltústik Qazaqstan, Pavlodar, Shyǵys Qazaqstan, Qostanaı oblystary ókilderiniń qatysýymen bos jumys oryndar jármeńkeleri men «Serpin» baǵdarlamasy aıasynda jastarmen kezdesýler uıymdastyrylýda.

Atalǵan is-sharaǵa respýblıkamyzdyń 4 oblysynan 41 memlekettik organdar men oqý oryndarynyń jaýapty tulǵalary jáne jumys berýshileriler ókil retinde qatysý josparlanýda (Soltústik Qazaqstan – 12 adam, Pavlodar – 12 adam, Qostanaı – 9 adam, Shyǵys Qazaqstan – 8 adam).

27 sáýirde Maqtaral aýdanynda, 28 sáýirde Saryaǵash aýdanynda,                       29 sáýirde Shymkent qalasynda sharalar ótip, oblys ákimdiginde 4 oblystyń delegasıa basshylarynyń qatysýymen sharalardyń qorytyndysy boıynsha baspasóz konferensıasy ótetin bolady.

Kezdesý sońynda elimizdiń Soltústik Qazaqstan oblysyna kóshýge nıet bildirgen azamattardy saltanatty túrde shyǵaryp salý rásimin ótkizý kózdelýde.

İshki kóshi qondy retteý jáne Soltústik óńirlerge qonystandyrý men «Serpin» baǵdarlamasyn nasıhattaý jumystary Maqtaral aýdanynan bastaldy. Oblys ákiminiń orynbasary U.Sádibekov atalǵan is-sharany ashyp, kóshýge nıetti aýdan turǵyndaryna sáttilik tiledi. Sondaı-aq jergilikti halyq Soltústik óńirlerden kelgen ókildermen suhbattasyp, usynylyp otyrǵan bos jumys oryndarymen tanysty.