Belgili bir aqıqat: qazaq Táýelsiz el bolǵaly bılik pen xalyq dep ekige bólip, ekeýin bir-birine jaý kórsetý sıaqty arandatýshylyq áreketter esh tolastaǵan emes. Anyǵynda bılik xalyqtyń qyzmetshisi, al bıliktiń qaınar kózi – xalyq! Elbasy da, depýtattar da, mınıstrler de, ákim qaralar da bári-bári xalyqtyń ishinen shyǵady. Aspannan salbyrap túspeıdi, óz aramyzdan. 

Halyqtyń ishinde neshe túrli adamdar bar – aryzqoı, báleqor, jalqaý, ury, qyzǵanshaq, sarań, urysqaq t.b. Sol úshin xalyqty jek kórmeımiz. Sebebi, ishinde aqpeıil, adal, eńbekqor, shynshyl, shydamdy, kemeńger, ańǵal, aqjúrek jaqsylary áldeqaıda kóp.

Sol sıaqty bılikke jetkende ózgerip, jemqor, satqyn, qatigez, tákáppar bolyp ketetinder bar. Sol úshin búkil bıliktegi atqaminerlerdi jek kórýge bolmaıdy, sebebi olardyń ishinde de uıqy kórmeı, el dep eńbek etip, bala-shaǵasyn kórmeı, tynym tappaı, jar qulaǵy jastyqqa tımeı, malyn, kúshin, aqylyn, janyn salyp eńbek etip júrgender bar. Aq pen qara, jaqsy men jaman, adal men adal arpalysqan, alasapyran aralas dúnıe ǵoı. Biz úshin eń qymbat baılyǵymyz – tynyshtyǵymyz, birlik-berekemiz. Elbasymyzdyń eren eńbegin joqqa shyǵarý – ádiletsizdik bolmaq. Shekarany bekitip, daýdyń bárin sheshken, mór basyp bekitken erligine kóz jumý – qıanat. Jerdiń satylmaýyna múddeli bir adam bolsa ol – Elbasymyz.

Basshyǵa baǵyný – Allanyń ámiri. Oǵan qarsy shyǵý bylaı tursyn, syrtynan ǵaıbattaýdyń ózi – aýyr kúná. Basshyǵa razy bolmaý – taǵdyrǵa razy bolmaý.
Bizdiń mindetimiz: Ia, Alla, patshamyzǵa kúsh-qýat, xıdaıat, adal ýázirler ber, árqashan qazaǵymyzǵa, memleketimizge paıdaly sheshim shyǵarýyn násip et, xalqymyzdy oıy pasyqtyń oırany, kózi qysyqtyń qyrǵyny, dushpannyń zulymdyǵynan saqta dep duǵa jasaý.
***
Patshaǵa zirkildese balasy jas,
Ol eldiń ádebi pás, sanasy las.
Báribir ózi qurǵan Memleketke,
Eshkimniń Elbasydaı jany ashymas.

Balǵynbek Imashtyń Instagram paraqshasynan