Keshe Qazaqstan Prezıdenti Nursultan Nazarbaev Qazaqstan halqy Assambleıasynyń XXIV sesıasy kezinde jer máselesine qatysty pikirin bildirdi.
"Sheteldikterge jer satylatyny týraly burys aqparattyń taraýynan jer máselesine halyqtyń nazary aýyp jatyr. Buǵan deıin birneshe ret, tipti meniń ózim munyń jalǵan ekenin aıttym. Taǵy bir ret eskertkim keledi, aýylsharýashylyq jerlerin sheteldikterge satý týraly másele kóterilgen emes, talqylanbaıdy da", - dedi Elbasy óz sózinde.
Sondaı-aq, Elbasy "osy máselege kóńil aýdarǵany úshin aǵaıynǵa bir jaǵynan qýanamyn.Laıym árqashan jerge degen qasıetti kóńil osyndaı bolatyn bolsa, bizdiń halyq qasyq qany qalǵansha osy jerdi qoǵaıdy dep bilemin" dep alańǵa shyǵyp, pikir bildirgen azamattarǵa rızashylyǵyn bildirgen edi. Degenmen Qazaqstan Prezıdenti Nursultan Nazarbaev Jer Kodeksine engizilgen ózgeristerge baılanysty daý týǵyzyp júrgenderdi jazalaý kerek ekenin de eskertti.
Soǵan qaramastan Atyraý qalasynan keıin, búgin Aqtóbe Tuǵysh Prezıdent atyndaǵy saıabaqta jınalsa, Semeı qalasynyń turǵyndary da tústen keıin "Jeńis" saıabaǵynda mıtıń ótkizgen. Jınalǵandar "jeldi jalǵa bergizbeımiz" dep urandatyp, foto-vıdeolaryn áleýmettik jeliler arqyly taratty.
Sondaı-aq, Jańaózendikter 30 sáýirde Táýelsizdik alańynda beıbit sherý ótkizýge 60 adam qol qoıyp, beıbit sherý ótkizýge ruqsat suraǵan. Alaıda qala ákimdigi ruqsat bermedi.
