Almatydaǵy karaoke-barlardyń biriniń qyzmetkerleri prıton uıymdastyrǵan, - dep habarlaıdy Qamshy.kz portaly  qalanyń İİD baspasóz qyzmetine silteme jasap.

Uıymdasqan qylmystyq toppen kúres basqarmasynyń qyzmetkerleriniń bastapqy boljamy boıynsha, zańsyz áreketke karaoke-bardyń 36 jastaǵy dırektory jetekshilik etken. Qylmystyq is boıynsha jalpy alty adam kúdikti retinde qýdalanyp otyr.

"Arnaıy operasıa kezinde bes áıel men bir adam ustaldy, olar prıton uıymdastyryp, jeńgetaılyqpen aınalysqan, ıaǵnı barǵa kelýshilerge qyzdardyń ıntım qyzmetin aqshalaı syıaqy úshin usynýmen aınalysqan", - dep habarlady Almaty qalalyq İİD resmı ókili Saltanat Ázirbek.

Bul derek sotqa deıingi tergeýdiń biryńǵaı reestrinde "Jezókshelikpen aınalysýǵa arnalǵan prıtondar uıymdastyrý nemese olardy ustaý jáne jeńgetaılyq" baby boıynsha tirkeldi. Qazirgi ýaqytta qylmystyq toptyń ózge de zańsyz áreketterin anyqtaýǵa arnalǵan jedel jáne tergeý sharalarynyń kesheni ótip jatyr.