Reseı prezıdentiniń ákimshiliginiń basshysy Sergeı Ivanov "Vostochnyı" ǵarysh aılaǵy iske qosylsa da, "Baıqońyrdyń" Reseıge áli kóp ýaqyt boıy qajet bolatynyn málimdedi, - dep habarlaıdy RIA Novostı.
Oǵan "Reseıde jańa ǵarysh aılaǵy paıda bolǵandyqtan, Reseıge "Baıqońyrdyń" qajettiligi bola ma?" degen suraq qoıylǵan edi. "Joq, "Baıqońyr" bizge áli kóp ýaqytqa qajet bolady, biz bul týraly kóp aıtqanbyz", - dep jaýap qatty Ivanov. Sonymen qatar, ol pılottyq kosmonavtıkanyń bar ekendigin aıtty jáne "Baıqońyrdan" "Protonnyń" ushyrylýy jalǵasatynyn atap ótti.
