WBO reıtıńinde alǵashqy orynda turǵan grýzıalyq boksshy Avtandıl Hýrsıdze Gennadıı Golovkınmen jekpe-jek ótkizgisi keletinin málimdedi, - dep habarlaıdy Vesti.kz.
"Hýrsıdze Golovkınmen judyryqtasqysy keledi. Ol muny menimen kelisimshartqa otyrǵannan beri armandap keledi. Hýrsıdze Golovkınniń sońǵy ýaqyttaǵy qarsylastarynan áldeqaıda jaqsy judyryqtasar edi. Oda Taısonnyń mentalıteti bar. Al Maık Taıson sıaqty judyryqtasatyn kez kelgen sportshy teledıdar úshin kóp nárse jasaı alar edi", - dedi boksshynyń promoýteri.
Sonymen qatar, WBO tujyrymy boıynsha orta salmaqta álem chempıony Bıllı Djo Sonderstiń promoýteri Frenk Ýorren shákirtiniń Golovkınniń kelesi qarsylasy bola alatynyn málimdedi. Degenmen ol 7 mamyrda ótetin Alvares - Han kezdesýiniń nátıjesin kútetinin aıtty. Onyń aıtýynsha, jekpe-jekten keıin Alvareske Golovkınmen kelisýge 15 kún beriledi. Eger ol budan bas tartsa, qazaqstandyq sportshy WBC chempıony atanady. Bulaı bolǵan jaǵdaıda Sonderske Golovkınmen Anglıada judyryqtasýǵa múmkindik týady.
